Hello NEw

काठमाडौं, १६ मंसिर । १३ औं दक्षिण एसियाली खेलकुद (साग) अन्तर्गत कराँतेको महिला टिम कातामा नेपाली टिमले स्वर्ण दिलाएका छन् । नेपाली टिममा निर्मला तामाङ, संगिता मगर र सरु कार्की थिए ।

योसँगै आयोजक नेपालले स्वर्ण संख्या ३ पुगेको छ । सोमबार भएको प्रतिस्पर्धामा नेपालले पाकिस्तानी टिमलाई पराजित गरेको हो ।

फाइनलमा नेपालले २४.८१ अंक ल्यायो भने पाकिस्तानले २३.३ ल्याएको थियो ।

त्यसअघि समूह चरणमा नेपाली टिमले २४.७४ अंक ल्याएर फाइनलमा स्थान बनाएको थियो । पाकिस्तानी टिमले २५।१४ अंकका साथ स्वर्णका लागि भेट पक्का गरेको थियो ।

यसअघि पुरुष व्यक्तिगत कातामा नेपाललाई मण्डेकाजी श्रेष्ठले पहिलो स्वर्ण दिलाएका थिए ।

चञ्चला दनुवारले पनि व्यक्तिगत कातामा नेपाललाई रजत दिलाएका थिइन् । चञ्चला पकिस्तानका सायदासँग पराजित हुँदा स्वर्णबाट चुकिन् ।

सोमबार कराँतेमा व्यक्तिगत र टिम काता गरी चार स्वर्ण र फाइटका ५ स्वर्णमा प्रतिस्पर्धा हुँदैछ। बुधबारसम्म चल्ने कराँतेमा कुल १९ स्वर्णका लागि प्रतिस्पर्धा हुनेछ ।