Hello NEw

झापा, २८ पुस । झापामा दुईजना नक्कली प्रहरी पक्राउ परेका छन् । बाह्रदर्शी गाउँपालिका-३ स्थित राजगढ बजारमा सोही गाउँपालिका-४ चकचकी बस्ने स्थानिय व्यापारी अरफाक आलमसँग नक्कली प्रहरी बनेर ठगी गर्ने २ जना पक्राउ गरिएको हो ।

सोमबार गौरीगंञ्ज गाउँपालिका-१ बस्ने वर्ष २८ को पर्शुराम महत्तो र सोही गाउँपालिका-३ बस्ने वर्ष २० को जिवन दासले आफूहरू १ नम्बर प्रदेश प्रहरी कार्यलय बिराटनगरको सिआइबि प्रहरी भएको भन्दै आलमसंग ७ हजार रुपैयाँ असुली गरेका थिए ।

घटनाबारेमा स्थानीयलाई शंका लागेपछि ईलाका प्रहरी कर्यालय राजगढमा खबर गरेका थिए । घटनाको जानकारी पाउनासाथ उक्त स्थान तर्फ खटिएको प्रहरीको टोलीले दुबैजनालाई नियन्त्रणमा लिएर जिल्ला प्रहरी कार्यालय झापामा पुर्‍याएको छ भने घटनाबारेमा थप अनुसन्धान कार्य भइरहेको प्रहरीले जनाएको छ ।